Breaking News
Home / خبریں / پاکستان / ٹرمپ کا بیان: چین پاکستان کی حمایت میں سامنے آگیا
ٹرمپ کا بیان: چین پاکستان کی حمایت میں سامنے آگیا

ٹرمپ کا بیان: چین پاکستان کی حمایت میں سامنے آگیا

امریکی صدر ڈونلڈ ٹرمپ کےدھمکی آمیز بیان کے بعد چین پاکستان کی حمایت میں سامنے آگیا۔چین نے دو ٹوک الفاظ میں کہا ہے کہ عالمی برادری کو دہشت گردی کے خلاف جنگ میں پاکستان کی غیر معمولی خدمات کو تسلیم کرنا چاہیے۔

بھارتی ویب سائٹ آؤٹ لک انڈیا کے مطابق چینی وزارت خارجہ کے ترجمان گینگ شوانگ کا کہنا تھاکہ عالمی برادری کو انسداد دہشت گردی کے لئے پاکستان کی غیرمعمولی خدمات کو تسلیم کرنا چاہئے۔

ترجمان کا کہنا تھا کہ چین کو خوشی ہے کہ پاکستان علاقائی سلامتی اور استحکام کے لیے باہمی احترام کی بنیاد پر انسداد دہشت گردی سمیت عالمی تعاون میں مصروف ہے۔

ترجمان چینی وزارت خارجہ نے مزید کہا کہ چین اور پاکستان تمام موسموں کے دوست ہیں، ہم دونوں فریقین کے فائدے کے لیے ہر طرح کے تعاون کو فروغ دینے اور مضبوط بنانے کے لیے تیار ہیں۔

گزشتہ روزامریکی صدر ڈونلڈ ٹرمپ نے نئے سال کے اپنے پہلے پیغام میں ایک بار پھرپاکستان کو سخت تنقید کا نشانہ بناتے ہوئے کہا کہ پاکستان جھوٹا اور دھوکےباز ہے ، ہم نے 15سال میں 33؍ ارب ڈالر دے کر بیوقوفی کی۔

اُن کا کہنا تھا کہ پاکستان ہمارے رہنماؤں کو بیوقوف سمجھتا ہے اور پاکستان دہشت گردوں کو محفوظ پناہ گاہ فراہم کرتا ہے اور افغانستان میں دہشت گردوں کو نشانہ بنانے میں معمولی مدد ملتی ہے لیکن اب ایسا نہیں چلے گا۔

پاکستان نے امریکی صدر کے الزامات کے بعد امریکی سفیر ڈیوڈ ہیل کو دفتر خارجہ طلب کرکے شدید احتجاج ریکارڈ کروایا اور احتجاجی مراسلہ حوالے کیا۔

دفتر خارجہ میں امریکی سفیر پر واضح کیا گیا کہ امریکی صدر کا اربوں ڈالر کا بیان بالکل غلط ہے ، امریکی صدر کے بیان کی وضاحت پیش کی جائے۔

About Editor

Leave a Reply

Your email address will not be published. Required fields are marked *

*